छठ पर्वमा सुशिल र रुविनाको लभ डायरी खुल्ने

असोज ३ रिलिज डेट पोस्टपोण्ड गरेको फिल्म ‘लभ डायरिज’ले नयाँ प्रदर्शन मिति तय गरेको छ । छठ पर्व लक्षित गर्दै निर्माण टिमले कार्तिक १५ लाई रिलिज तोकेको हो ।

सुशील श्रेष्ठ स्टारर फिल्मले अब कार्तिक १६ मा छठपर्वको एक दिने विदा खानेछ । सौरभ चौधरी निर्देशित फिल्मको यसअघि एक रोमान्टिक गीत पनि सार्वजनिक भइसकेको छ । भिजिट नेपाल २०२० लाई प्रमोट गर्ने उक्त गीतले तारिफ पनि बटुलेको थियो ।

प्रेम कथानक फिल्ममा सुशीलसँग डेब्यु गर्ल रुबिना थापाले जोडी बाँधेकी छन् । रोमान्टिक गीत यी दुईको केमेस्ट्री सुहाएको छ । सिनेमामा विश्वजित रिमालको पनि मुख्य भूमिका छ ।

मधु बास्तोलाको कथा/पटकथा रहेको फिल्ममा सम्पादक साहिल खानले सह-निर्देशकको काम सम्हालेका छन् । विनोद सापकोटा निर्माता छन् ।