अनुपबिक्रम शाही स्टारर फिल्म ‘पासवर्ड’ को ट्रेलर रिलिज(ट्रेलर सहित)
भदौ २७ बाट प्रदर्शनमा आउने फिल्म ‘पासवर्ड’ को आज ट्रेलर रिलिज गरिएको छ ।
फिल्ममा बलिउड अभिनेत्री तथा आइटम गर्ल सन्नि लियोनको समेत अभिनय देख्न पाइने भएकाले फिल्मको थप चर्चा समेत छ ।सम्राट बस्नेतको निर्देशनमा बनेको फिल्म एक्सन थ्रिलर जनराको हो ।
फिल्ममा अनुपबिक्रम शाही, बिक्रम जोशी ‘विक्की’ , बुद्धि तामाङ, छुल्ठिम गुरुङ, बिक्रान्त बस्नेत, रविन्द्र झा, प्रविण खतिवडा, लिशा सुनार, परि तामाङ लगायत लिड अभिनयमा छन् ।
एबी इन्टरनेशनलको ब्यानरमा निर्माण भएको फिल्ममा सौरभ लामाको छायाँकन रहेको छ भने फिल्म बिक्रम जोशी, हिरल जोशी र अमित बस्नेतले निर्माण गरेका हुन् । फिल्मको अधिकाशं छायाँकन लण्डनमा गरिएको छ । फिल्म पासवर्ड को प्रिमियर शो मा सहभागी हुन सन्नि लियोन नेपाल आउने पक्का भएको छ ।
