हिमालय रोडिजमा अनुप बिक्रमको इन्ट्रि
हिमालय रोडिजको तेस्रो सिजन सुरु हुने भएको छ । शुक्रबार काठमाडैँमा एक कार्यक्रमको माझ तेस्रो सिजनको बारेमा जानकारी दिइएको हो । यस सिजनमा नयाँ जज थपिएका छन्, फिल्म क्षेत्रमा आफ्नो छुट्टै स्टारडम राख्न सफल नायक अनुप बिक्रम शाहीको इन्ट्रि भएको छ ।
अघिल्लो सिजनहरुमा भएका कमि कमजोरी यस सिजनमा नहुने र यो सिजन भिन्न शैलीमा निर्माण हुनेछ भने सेलिब्रेटी ग्याङ लिडरको नयाँ ढाँचामा तेस्रो सिजन निर्माण गर्ने निर्देशक अमनप्रताप अधिकारीले बताए । यस सिजनमा प्रतिस्पर्धीमात्र नभएर ग्याङ लिडर पनि चुनौतिपूर्ण रुपमा खेलमा सहभागी हुनेछन् ।
अघिल्ला दुई सिजनमा तिन जना जज थिए भने यस सिजनमा चार जना टिम लिडर रहनेछन् । अघिल्ला सिजनमा जज बनेका रेमनदाश श्रेष्ठले यस सिजनमा होस्टको जिम्मेवारी निभाउने छन् । ग्याङ लिडरमा भने जम्मा चार जना जज रहनेछन् । जसमा अघिल्ला सिजनका जज दीया मास्के र आशिस राना ‘लाहुरे’ रहेका छन् । ग्याङ लिडरमा पहिलो सिजनका विजेता समन श्रेष्ठ र नायक अनुप बिक्रम शाही थपिएका हुन ।
यस वर्षका लागि देशका पाँच शहरमा अडिसन हुने बताइएको छ । भदौ ३१ गते चितवन, असोज ३ गते नेपालगञ्ज, असोज ६ गते पोखरा र असोज ९ गते काठमाण्डौँमा अडिसन हुनेछ ।
