देशभर नम्रताको ‘जाइरा’, उठाउला सोलो रिलिजको फाइदा ?

फ्राइडे रिलिज अन्तर्गत यो हप्ताको लागी फिल्म ‘जाइरा’ प्रदर्शनमा आएको छ । नम्रता श्रेष्ठको होम प्रोडक्सनमा तयार भएको फिल्मले सपोर्ट्स ड्रामा बोल्छ । अन्य कुने फिल्म रिलिज नहुँदा सोलो रिलिजको फाइदा यो फिल्मलाई मिलेको छ ।

आशुतोष श्रेष्ठको निर्देशनमा तयार भएको फिल्ममा नम्रता श्रेष्ठ, अनुपबिक्रम शाहि, प्रमोद अग्रहरी, रेमनदास श्रेष्ठ, सृजना रेग्मी, सुजाता श्रेष्ठ लगायत लिड अभिनयमा छन् ।

प्रसन्न गोपाली कार्यकारी निर्माता रहेको फिल्मकी निर्मात्री नम्रता नै हुन् । उनले यसअघि नै भनेकी छिन्, ‘मलाई हरेक क्यारेक्टर चुनौतीपूर्ण र हरेक फिल्म ड्रिम प्रोजेक्ट लाग्छ, ‘जाइरा’ बाट लभर गर्लको छवि मेट्ने प्रयास गरेकी छु ।’ फिल्मले मार्सल आर्ट को कथा बोल्छ ।