सिल्की सिल्की बालः ‘च च हुई’ अफिसियल गीत रिलिज (भिडियो)

फिल्म ‘च च हुई’मा समावेश ‘सिल्की सिल्की बाल’ बोलको गीत रिलिज भएको छ । गीतमा अभिनेता आर्यन सिग्देल र भोलाराज सापकोटाको साथमा अभिनेत्री मिरुना मगर फिचर्ड छन् । मुस्ताङका आकर्षक लोकेशनमा गीतको भिडियो छायाँकन गरिएको छ ।

टिपिकल फ्लेभरको गीतमा समावेश केहि अस्थिर दृश्य सार्वजनिक गरेर केहि दिन पहिलेदेखि निर्माण टिमले गीतलाई प्रतिक्षित बनाएको थियो । भिडियोमा आर्यन र मिरुनाको केमेष्ट्रि सुहाउँदो देखिन्छ । राजनराज शिवाकोटीले मेलिना राईसँग मिलेर गीत गाएका छन् भने लेखनमा राजनराजलाई एजिएल र श्याम लामिछानेले सघाउँदा उनको सोलो संगीत छ ।

भिडियोमा कोरियोग्राफी शिशिर खातीको तथा छायाँकन सुशन प्रजापतिको छ । साम्तेन भुटियाको निर्देशन रहेको फिल्म आगामी मंसिर ६ मा रिलिज हुनेछ । फिल्ममा उल्लेखित तीन कलाकारसँगै माओत्से गुरुङ, पुष्कर गुरुङ लिड अभिनयमा छन् । कथा लेखन सिजन दाहाल र सन्देश अर्यालको छ ।

https://youtu.be/6J66F8K0ePU