बक्सअफिसमा ‘मिसन मंगल’को कमाल

अक्षयकुमार स्टारर फिल्म ‘मिसन मंगल’ले बलिउड बक्सअफिसमा कमालको बिजनेस गरिरहेको छ । पहिलो दिन नै अक्षयको करियरकै रेकर्डतोड कमाई गरेको फिल्मले पाचौँ दिनमा सय करोड क्लबमा प्रवेश गरिसकेको छ । हालसम्म फिल्मको कमाई १ सय १४ करोड ३९ लाख पुगेको छ ।

स्वतन्त्रता दिवसको दिन प्रदर्शनमा आएको फिल्मले पहिलो दिन २९ करोड १६ लाखको कमाई गरेको थियो । त्यसपछि बिदाको दिन आइतबार पनि आक्रामक बिजनेस गर्दा २७ करोड ५४ लाख कलेक्सन गर्न फिल्म सफल रह्यो । फिल्मले मंगलबार करिब ८ करोडको बिजनेस गर्दा कुल १ सय १४ करोड पुगेको छ ।

फिल्ममा अक्षयसँगै विद्धावालन, तपसी पन्नु, सोनाक्षी सिन्हा लिड अभिनयमा छन् । जगन शक्तिले निर्देशन गरेको फिल्मले राष्ट्रबाद र सामाजिक कथा बोल्छ । साइन्टिस्ट राकेश धवनको रियल कहानीमा फिल्म बनेको हो ।