रोमान्टिक कमेडी ’च च हुई’ अफिसियल पोस्टर रिलिज

साम्तेन भुटिया निर्देशित फिल्म ’च च हुई’ को पोस्टर सार्वजनिक भएको छ । सार्वजनिक पोस्टरमा अभिनेता आर्यन सिग्देलसँगै अभिनेत्री मिरुना मगर, अभिनेता द्वय भोलाराज सापकोटा र माओत्से गुरुङफिचर्ड छन् ।

फिल्मको नामले नै कमेडी बोल्दा कलाकारहरुलाई पोस्टरभित्र पनि सोहि हाउभाउमा प्रस्तुत गरिएको छ । पोस्टरमा फोटोग्राफी श्रीधर पौडेलको रहेको छ टौवा क्रिएसनको तर्फबाट विजय बश्याल र शान थापाले डिजाइन गरेका छन् ।

आगामी मङ्सिर ६ बाट प्रदर्शनमा आउने फिल्मले रोमान्टिक कमेडी जनर बोल्छ । एजीएल इन्टरटेनमेन्टको ब्यानरमा अमृत घोले लामाले निर्माण गरेको फिल्ममा उल्लेखित कलाकारसँगै पुस्कर गुरुङ, बबिता मल्ललगायतको पनि अभिनय छ । ‘च च हुई’ को पटकथा सिजन दाहाल र सन्देश अर्यालले लेखेका हुन् ।