‘मिसन मंगल’ रेकर्ड, अक्षयको करियरकै ठुलो ओपनिङ
बिहिबारबाट प्रदर्शनमा आएको बलिउड फिल्म ‘मिसन मंगल’ले बम्पर ओपनिङ गरेको छ । फिल्मले अभिनेता अक्षयकुमारको हालसम्मको करियरकै सर्वाधिक ठुलो ओपनिङ गर्यो । बिहिबार भारतमा राष्ट्रिय बिदा पनि थियो ।
स्वतन्त्रता दिवसको दिन प्रदर्शनमा आएको फिल्मले २९ करोड १६ लाखको कमाई गरेको छ । अक्षयकुमारका हालसम्म रिलिज सबै फिल्मको भन्दा ठुलो ओपनिङ डे बिजनेस हो यो । यसअघि उनि स्टारर ‘गोल्ड’ले पहिलो दिन २५ करोड २५ लाख कमाउँदै रेकर्ड राखेको थियो ।
फिल्ममा अक्षयसँगै विद्धावालन, तपसी पन्नु, सिनाक्षी सिन्हा लिड अभिनयमा छन् । जगन शक्तिले निर्देशन गरेको फिल्मले राष्ट्रबाद र सामाजिक कथा बोल्छ । साइन्टिस्ट राकेश धवनको रियल कहानीमा फिल्म बनेको हो ।
