‘नम्बर वान’ को लोभ छैनः आर्यन सिग्देल
अभिनेता आर्यन सिग्देल चकलेटी लुक्सलै फिल्मी क्षेत्रमा प्रवेशकै बखत चर्चा आए । त्यसपछि उनको अभिनय झनै दमदार बन्दै आयो, एक समय आर्यन नेपाली अभिनेतामा अग्र पङ्ग्तीमा पनि आए । तर यी लभर ब्वाइको करियर त्यतिबेला धमिलिँदै गयो, जतिबेला उनले भर्सटाइल बनाउने नाममा आफ्नो अभिनयलाई मोड दिँदै गए ।
लभर ब्वाइको भुमिकामा फिट आर्यनले एक्सन प्रधान हिरो बन्ने लोभ बोक्दा करियरलाई नै ओरालो गति दियो । पछिल्लो रिलिज ‘रुद्रप्रिया’ले त उनलाई झनै घाटा भयो । उनको आफ्नै लगानीमा बनेको ‘काइरा’ले पनि कमाल गर्न सकेन । अब आर्यन पुरानो क्रेजलाई फर्काउने सोचमा छन् । उनि अभिनित पछिल्लो फिल्म ‘हजार जुनीसम्म’ यो शुक्रबारबाट प्रदर्शनमा आएकोछ ।
रिलिजको फिल्मलाई लिएर उत्साहित देखिएका, प्रचार प्रसारमा खुलेर लागेका आर्यन हिजोको दिनमा दर्शकले दिएको साथ र मायालाई फर्काउने दाउमा छन् । हालैको एक अन्तर्वार्तामा उनले भने, ‘अहिले मलाई नम्बर वान र स्टारडमको लोभ छैन ।’ यो बोल्न नसक्दै आर्यनले सुनाइ, ‘दर्शकले राम्रो फिल्ममा राम्रो काम गरेछ भन्नुभयो भने त्यो नै मेरो खुशी हुनेछ, मेरो रेटिङ हुनेछ ।’
विकासराज आचार्यको निर्देशन रहेको यो फिल्ममा आर्यनले स्वस्तिमा खड्कासँग स्कृन सेयर गरेका छन्, तर उनको भुमिका हालसम्म रिलिज सबै फिल्म भन्दा फरक छ । बृद्ध गेटअपमा आर्यन देखिन्छन् । बर्ष २०७६ को प्रतिक्षित मध्येको एक फिल्म ‘हजार जुनीसम्म’ पनि हो । फेमिली ड्रामा धेरै दर्शकमाझ प्रतिक्षित बन्दा बक्सअफिस आँकडाको बारेमा पनि आँकलन सुरु भइसकेको छ । फिल्म कस्तो चल्छ आर्यनलाई कति फाइदा दिन्छ त्यो भने केहि दिनमा पत्ता लाग्नेछ ।
