चलचित्र पत्रकार संघले भदौमा तीन दिने चलचित्र पत्रकारिता कार्यशाला गर्ने
चलचित्र पत्रकारहरुको छाता संगठन चलचित्र पत्रकार संघ, नेपालले पोखरामा बृहत चलचित्र पत्रकारिता कार्यशाला गर्ने भएको छ । संघको केन्द्रिय समितिको आइतबार बसेको बैठकले यो निर्णय गरेको हो ।
कार्यशाला आउँदो भदौ १८, १९ र २० गतेसम्म चल्ने छ । तीनदिने कार्यशाला चलचित्र विकास बोर्डसँगको सहकार्यमा गर्न लागिएको संघद्वारा सार्वजनिक प्रेस बिज्ञप्तिमा उल्लेख छ । उक्त कार्यशालामा सहभागी हुन इच्छुक चलचित्र पत्रकारहरुले भदौ १० गतेभित्र संघको कार्यलयमा नाम दर्ता गराइसक्नुपर्ने छ ।
कार्यशालामा सम्बन्धि विधामा दक्ष प्रशिक्षकहरुले पत्रकार आचारसंहिता तथा मिडिया कानुन, फिल्म समीक्षा, डिजिटल पत्रकारिता, पर्यटन र फिल्म पत्रकारिता, फोटो र मल्टीमिडिया लगायतका विधामा प्रशिक्षण दिनेछन् । यो कार्यशाला सक्रियतापूर्वक फिल्म पत्रकारिता गरिरहेका पत्रकारहरुका लागि उपलब्धिमुलक हुने संघले अपेक्षा राखेको छ ।
