कालिप्रसादको स्वरमा यस्तो बन्यो ‘कबड्डी कबड्डी कबड्डी’ शीर्ष गीत

फिल्म ‘कबड्डी कबड्डी कबड्डी’को शीर्ष गीत सार्वजनिक भएको छ । कालिप्रसाद बाँस्कोटाको स्वर, संगीत र शब्द रहेको गीतको भिडियोमा कालि स्वयमं फिचर्ड छन् भने उनको साथमा लिड अभिनेता दयाहाङ राईसँगै कर्मा शाक्य, विजय बराल, अनुपम शर्मा लगायतलाई देख्न सकिन्छ । कालिप्रसाद र अनुपम र्‍यापरको भुमिकामा फिचर्ड छन् ।

गीतको भिडियो निर्माणको कन्सेप्ट पनि कालिप्रसादको नै छ भने निर्देशक बिजु कर्माचार्यले गरेका छन् । सम्पादन पनि बिजुको नै छ । यो फिल्म आगामी असोज ३ बाट प्रदर्शनमा आउनेछ ।

रामबाबु गुरुङको निर्देशन रहेको हिट सिरिज कबड्डीको तेश्रो सिक्वेलमा उल्लेखित कलाकारसँगै उपासना सिंह ठकुरी,रिश्मा गुरुङ, विल्सनबिक्रम राई, बुद्धि तामाङ, पुश्कर गुरुङ, कविता आले, माओत्से गुरुङ, कमलमणी नेपाल लगायत अभिनयमा छन् ।

https://youtu.be/DTvYKfNInzc