आयुष केसिको स्वरमा ‘हजार जुनीसम्म’ शीर्ष गीत रिलिज
साउन ३० बाट प्रदर्शनमा आउने फिल्म ‘हजार जुनीसम्म’को शीर्ष गीत रिलिज भएको छ । भारतिय रियालिटी शो ‘सारेगम’मा पुगेर चर्चामा आएका बाल गायक आयुष केसीले गीतमा स्वर दिएका छन् ।
उदय सोताङको ओरिजिनल गीत ‘हजार जुनिसम्म’लाई नयाँ भर्सनमा आयुषले गाएका हुन् । यो गीतमा संगीत योगेन्द्र घतानीको छ भने शब्द पवन चाम्लिङको छ । फिल्मलाई विकासराज आचार्यले निर्देशन गरेका छन् ।
‘हजार जुनिसम्म’मा आय्रन सिग्देल, स्वस्तिमा खड्का, प्रियंका कार्की, सञ्चिता लुइँटेल, सलोन बस्नेत, अखिलेश प्रधान, अनुभव रेग्मी, शिवहरी पौडेल लिड अभिनयमा छन् । पुरुषोत्तम प्रधानले खिचेको फिल्ममा सम्पादन अर्जुन जिसीको छ । फिल्मको कथा विशाल चाम्लिङको हो ।
