अंकितसँग मायाको परिभाषा खोज्दै साम्राज्ञीः ‘रातो टिका निधारमा’ अफिसियल गीत रिलिज (भिडियो)
दशैँमा रिलिज हुने फिल्म ‘रातो टिका निधारमा’को पहिलो गीत रिलिज भएको छ । सार्वजनिक प्रेमिल गीतमा अभिनेत्री साम्राज्ञी राज्यलक्ष्मी शाह र नव अभिनेता अंकित शर्मा फिचर्ड छन् ।
‘मेरो माया के हो’ बोलको गीतले प्रेमको परिभाषा खोजेको छ । गीतको शब्द रवि मल्लले लेखेका हुन् भने कल्याण सिंहको संगीतमा स्वर निशान भट्टराई र अस्मिता अधिकारीले दिएका छन् । दिक्षित पौडेलको एरेञ्ज छ । बसन्त श्रेष्ठले कोरियोग्राफी गरेका छन् ।
अशोक शर्माको निर्माण निर्देशन रहेको फिल्मको कथा पनि शर्माको नै हो । फिल्ममा उल्लेखित दुई कलाकारसँगै रविन्द्र झा, बुद्धि तामाङ, शिवहरी पौडेल, नीता ढुङ्गाना, खुश्बु खड्का, लक्ष्मी गिरी, अरुणा कार्की, बसुन्धरा भुषाल, राजाराम पौडेल, कमला रेग्मी लिड अभिनयमा छन् । पुरुषोत्तम प्रधानले खिचेको फिल्मलाई मित्र डि. गुरुङले सम्पादन गरेका छन् ।
