पुष्प र साम्राज्ञी स्टारर ‘मारुनी’ अफिसियल ट्रेलर रिलिज (भिडियो)

फिल्म ‘मारुनी’को ट्रेलर रिलिज भएको छ । भदौ १३ बाट प्रदर्शनमा आउने फिल्मको प्रचारलाई अघि बढाउँदै निर्माण टिमले ट्रेलर रिलिज गर्यो । ट्रेलरले त्रिकोणात्मक प्रेम दर्शाएको छ ।

ट्रेलरमा मुख्यतः तीन लिड कलाकार पुष्प खड्का, साम्राज्ञी राज्यलक्ष्मी शाह र रेबिका गुरुङ फिचर्ड छन् । उल्लेखित कलाकारसँगै आयुष प्रधान, अर्जुन श्रेष्ठ, शंकर सेढाइँ, विनोद भट्टराई, सुशिल क्षेत्री लिड भुमिकामा छन् ।

बर्ष २०७६ को प्रतिक्षित मध्येको एक फिल्म ‘मारुनी’ पनि हो । फिल्ममा समावेश गीतहरु सार्वजनिक भइसक्दा हिट लिस्टमा परिसकेका छ्न । यो फिल्मलाई नवल नेपालले निर्देशन गरेका हुन् । पुनम क्षेत्री गौतम निर्माता छन् ।

मित्र डि गुरुङको सम्पादन रहेको फिल्मलाई सञ्जय लामाले खिचेका छन् । फिल्मको कथा गोविन्द फुयाँल र निर्देशक नेपालले तयार पारेका छन् । ट्रेलरलाई भने शाहिल खानले तयार पारेका हुन् ।

https://youtu.be/mVtA23Yko6Y