कान्तिपुर ब्यानरमा ‘म’ घोषणा
फिल्म शिक्षा अध्यापन गराउँदै आएको स्कुल कान्तिपुर फिल्म एकेडेमी अब फिल्म निर्माणमा जुटेको छ । सोमबार राजधानीमा एक कार्यक्रम आयोजना गर्दै ‘म’ नाममा फिल्म निर्माण घोषणा गरियो ।
परिच्छेद सेनको निर्देशनमा बन्ने फिल्ममा प्रायः सबै क्रू एकेडेमीकै विधार्थी रहनेछन् । फिल्मले समाजमा रहेका हरेक ब्याक्तिको कथा बोल्ने भएकोले ‘म’ शिर्षक राखिएको निर्देशक सेनले तर्क गरे ।
‘म’ भित्र विजय लामा, सरिता लामिछाने, रेवती क्षेत्री, अनिल कँडेल, सञ्जोग रसाइली, कुसुम गुरुङ, रेविका गुरुङ मुख्य अभिनयमा रहनेछन् । तेन्जिन पाल्देनले खिच्ने यो फिल्म कान्तिपुर एकेडेमीबाटै सिकेर अघि बढेका बिधार्थीहरुसँगको सहकार्यमा तयार गर्न लागेको सिइओ प्रकाश पुरीले बताए ।
तश्विरः अनलाइनखबर
