कन्फर्मः भदौमै दीपक दीपाको ‘छ माया छपक्कै’
दशैँ रिलिज घोषणा गरेको फिल्म ‘छ माया छपक्कै’ अब भदौमै रिलिज हुने भएको छ । निर्माता रोहित अधिकारीले समाचारको पुष्टि गरेका छन् । भदौ २७ मा फिल्म रिलिज हुनेछ ।
भदौ १३ लाई प्रदर्शन मिति तय गरेको ‘कबड्डी कबड्डी कबड्डी’ असोज ३ मा पुगेपछि त्यसले पार्नसक्ने संभावित असरलाई मध्यनजर गर्दै ‘छ माया छपक्कै’ टिमले त्यो पहिले नै आफ्नो फिल्म ल्याउने भएको हो । जसले नेपाली फिल्म उधोगमा पुनः एक पटक वितरण र हल वितरणको टकराब देखाएको छ ।
‘छ माया छपक्कै’ यसअघि दशैँको छेकोमा असोज १० र १८ मा रिलिजको चर्चा थियो । ‘कबड्डी’ सिरिज र छक्का पञ्जा टिमबीचको द्वन्द्वको फाइदा भने अब ‘रातो टिक निधारमा’लाई हुनेछ । अशोक शर्माको यो फिल्म दुई ठुला फिल्म रिलिजको कम्तिमा पनि १, २ हप्तापछि मात्रै दशैँमा हलमा आउनेछ ।
दिपेन्द्र लामाको निर्देशन रहेको ‘छ माया छपक्कै’मा दीपकराज गिरी, दीपाश्री निरौँला, केकी अधिकारी, जितु नेपाल, केदार घिमिरे, सुपुष्पा भट्ट लगायत लिड अभिनयमा छन् ।
