साम्राज्ञी र पुष्पको ‘मारुनी’ अफिसियल पोस्टर रिलिज

भाद्र १३ बाट प्रदर्शनमा आउने फिल्म ‘मारुनी’को अफिसियल पोस्टर रिलिज गरिएको छ । सार्वजनिक दुई पोस्टरमा फिल्ममा तीन मुख्य कलाकार फिचर्ड छन् । एकमा साम्राज्ञी राज्यलक्ष्मी शाह र पुष्प खड्का रहँदा अर्कोमा उल्लेखित दुईसँगै डेब्यू गर्ल रेबिका गुरुङ अटाएकी छिन् ।

नवल नेपालको निर्देशनमा तयार भएको फिल्मको यसअघि नै दुई गीत सार्वजनिक भइसक्दा हिट लिस्टमा परिसकेका छन् । फिल्मलाई पुनम गौतमले निर्माण गरेकी हुन् । निर्देशक नवलले फिल्म हेरिसकेपछि दर्शकलाई फ्रेस कथा लाग्ने बताउँदै आएका छन् ।

भाद्र १३ मा सोलो रिलिजको अबसर पाएको फिल्म बर्ष २०७६ को प्रतिक्षित फिल्म मध्येको एक हो । फिल्ममा बाल–कलाकारको रुपमा कुशाग्र भट्टराई, स्वर्णिम पौडेल, सेफिअन्स लम्साल र साइरा आचार्यको मुख्य भूमिका छ ।