पुरानै मितिमा ‘हजार जुनीसम्म’, टर्यो नम्रता भर्सेज आर्यन फाइट !
फिल्म ‘हजार जुनीसम्म’ को रिलिज पुनः हेरफेर भएको छ । यसअघि श्रावण ३० लाई प्रदर्शन मिति तय गरेर एक हप्ता सर्दै भदौ ६ मा पुगेको फिल्म पुनः फर्केको छ, अब यो फिल्म पुरानै मितिमा रिलिज हुनेछ ।
उदय सोताङको गीतको लाइनलाई सापटी लिँदै बनाइएको ‘हजार जुनीसम्म’लाई विकासराज आचार्यले निर्देशन गरेका छन् । यो फिल्ममा आर्यन सिग्देल, स्वस्तिमा खड्का, प्रियंका कार्की, अखिलेश प्रधान, सञ्चिता लुइँटेल, अनुभव रेग्मी लिड अभिनयमा छन् ।
उता भदौ ६ मा भने नम्रता श्रेष्ठ अभिनित फिल्म ‘जाइरा’ रिलिजलाई तयार छ । ‘हजार जुनीसम्म’ले पुरानो मितिमा फर्किँदा नम्रतालाई फाइदा पुगेको छ ।अब यो फिल्म सोलो रिलिज हुनछ । नम्रतासँगै अनुपबिक्रम शाहि, प्रमोद अग्रहरी, रेमनदास श्रेष्ठ लिड अभिनयमा छन् ।
लामो समयसम्म एकसाथ देखिँदै सहकार्य गर्दै आएका आर्यन सिग्देल र नम्रताबीचको फरक फरक फिल्मबीचको संभावित भिडन्त पनि टरेको छ । दक्षिण भारतिय फिल्म ‘साहो’को रिलिज हेरफेरले नेपाली बजारलाई तरङ्गित बनाएको हो ।
