धुर्मुस सुन्तलीको फिल्ममा दयाहाङ हिरो ?
धुर्मुस सुन्तलीले निर्माण गर्न लागेको फिल्ममा दयाहाङ राई अनुबन्ध भएको खबर बाहिरिएको छ । यसअघि नै रामबाबु गुरुङले निर्देशन गर्ने पक्का भएको फिल्मको लिड हिरोमा दयाहाङ फाइनल भएका छन् । यद्धपी दयाले आफु केमियो दाबी गरे ।
वर्किङ टाइटल ‘सेन्टी भाइरस’ राखिएको प्रोजेक्ट भदौबाट फ्लोरमा जाने बताइएको छ । रंगशाला निर्माणमा जुटेको धुर्मुस सुन्तली फाउण्डेशन त्योसँगसँगै फिल्म निर्माणमा जुट्न लागेको हो ।
निर्माण चर्चाको लामो समयपछि बन्ने पक्का भएको उक्त फिल्ममा लिड अभिनयमा अन्य को को कलाकार रहने बाहिर ल्याइएको छैन । फिल्मले सामाजिक सन्देशमुलक कथा बोल्ने बताइएको छ ।
