‘मारुनी’ गीत रिलिज, पुष्पको अङ्गालोमा बोल्ड साम्राज्ञी (भिडियो)

भदौ १३ बाट प्रदर्शनमा आउने फिल्म ‘मारुनी’को दोश्रो गीत रिलिज भएको छ । ‘सक्दिनँ म बाँच्न’ बोलको गीतमा लिड कलाकार पुष्प खड्का र साम्राज्ञी राज्यलक्ष्मी शाह फिचर्ड छन् । सुन्दर लोकेशनमा छायाँकन गरिएको गीतको भिडियोमा साम्राज्ञी बोल्ड देखिन्छिन् ।

गीतको कोरियोग्राफी आकर्षक बनाइएको छ भने शब्द संगीत मेलोडिएस लाग्छ । फिमेल भर्सनको गीतमा स्वर मेलिना राईको छ भने सुरेश वाग्लेको शब्दमा संगीत अर्जुन पोखरेलले भरेका छन् । एरेञ्ज बाबु प्रधानको छ ।

पुष्प र साम्राज्ञीसँगै रेबिका गुरुङ, आयुष प्रधान, अर्जुन श्रेष्ठ, शंकर सेढाइँ, विनोद भट्टराई, सुशिल क्षेत्री लिड भुमिकामा रहेको फिल्मलाई नवल नेपालले निर्देशन गरेका हुन् । पुनम क्षेत्री गौतम निर्माता हुन् ।

https://youtu.be/p2lYr3vM_1w