दर्शक तर्साउन हल हलमा ‘घर’, यस्तो छ सुरुवाती बिजनेस
हरर जनरामा निर्माण भएको फिल्म ‘घर’ प्रदर्शनमा आएको छ । शुक्रबारबाट प्रदर्शनमा आएको फिल्म मल्टिप्लेक्स र सिंगल स्कृन सबैमा उपलब्ध छ । फिल्मलाई विशेषतः मल्टिप्लेक्स तार्गेटेड मानिएको छ ।
अर्पण थापाको निर्देशनमा बनेको फिल्मले सुरुवाती प्रतिक्रिया सुखद पाएको छ भने पहिलो दिनको शोजहरुमा दर्शकको उपस्थिती पनि सुखद छ । वितरक करण क्रेजीले दर्शकको प्रतिक्रिया र उपस्थितीले पहिलो दिन ढुक्कको स्वास फेराएको बताए । दिवा शोसम्म सिङगल स्कृनमा फिल्मले औसतमा ३५ प्रतिशत र मल्टिप्लेक्सतर्फ ४० प्रतिशतको ओपनिङ गरेको जानकारी प्राप्त छ ।
शुक्रबार अपराह्न आयोजित प्रेस शोमा अधिकांश सञ्चारकर्मीहरुले सुधत प्रतिक्रिया दिए । दर्शक तर्साउने ग्यारेन्टीका साथ हल छिरेको फिल्मले नव दम्पतिले एक घर किनेर त्यहाँ सरेपछिको उत्पन्न परिस्थीतिको कथा बोल्छ । यो फिल्ममा निर्देशक अर्पणसँगै सुरक्षा पन्त र वेनिशा हमाल लिड भुमिकामा छन् । सुरक्षाको अभिनय प्रशंसनिय छ ।
डिएस डिजिटलको तर्फबाट निर्माण भएको फिल्मलाई शर्मिला पाण्डेले निर्माण गरेकी हुन् । निरज कंडेलले फिल्ममा क्यामेरा चलाएका छन् ।
