ऋचाको सुपर गोर्खेः तेश्रो पटक रिलिज घोषणा

‘नाइ नभन्नु ल ‘फेम्ड अभिनेत्री ऋचासिंह ठकुरीले निर्माण गरेको फिल्म ‘सुपर गोर्खे’को गत बर्ष मंसिरलाई रिलिज घोषणा गरियो । तर प्राविधिक समस्या भन्दा रिलिज पोष्टपोण्ट भयो पुनः बैशाखमा सारियो, त्यो मितिमा पनि फिल्म आएन । अब यो फिल्मको तेश्रो पटक रिलिज तोकिएको छ ।

निर्माण टिमले आगामी श्रावण १० लाई रिलिज लक गरेको छ । पटक पटक घोषणाका बाबजुत प्रदर्शन हुन नसकेको यो फिल्म यो मितिमा पनि आउने कुरामा शंका गर्ने ठाउँ छ ।

किरण माइकलको लेखन, राज थापाको कथा रहेको ‘सुपर गोर्खे’ लाई सौरभ लामाले खिचेका हुन् । चन्द्र पन्तको द्धन्द्ध निर्देशन तथा तारा प्रकाश लिम्बु र शालिक दुलालको संगीत छ ।

अविर हाउस प्रोडक्सन प्रा.लिको प्रस्तुती रहेको सुपर गोर्खे लाई राज थापाले निर्देशन गरेका हुन् । फिल्ममा ऋचा सहित सुरजसिंह ठकुरी, निराजन लुईंटेल, भुपेन्द्र खत्री लगायत कलाकारहरुको अभिनय रहेको छ ।