हलमा आइसक्दा बाहिरियो ‘सानो मन’को ‘कस्तो माया’ (भिडियो)

प्रदर्शनरत फिल्म ‘सानो मन’ को स्याड भर्सन गीत सार्वजनिक भएको छ । ‘कस्तो माया…’ बोलको गीतमा निखिता थापाको एकल गायन छ भने सुयोग सोताङ्गले शब्द तथा संगीत संयोजन गरेका छन् । फिल्ममा लिड अभिनेत्री शिल्पा मास्के सार्वजनिक भिडियोमा फिचर्ड छिन् ।

फिल्ममा यो गीत कथावाचनको रुपमा प्रयोग गरिएको छ । शुक्रबार (असार २७) बाट प्रदर्शनमा आएको’‘सानो मन’ ले हलमा अपेक्षाकृत व्यापार गर्न नसकेपनि दर्शकबाट राम्रो प्रतिक्रिया प्राप्त गरेको निर्माण टिमको दाबी छ । यो फिल्ममा निर्देशक सुयोग गुरुङ्ग हुन् ।

आयुष्मान देशराज र शिल्पासँगै यो फिल्ममा सक्षम सुवेदी, गौरी मल्ल, विशाल पहारी, शिशिर वाङदेल, रश्मी भट्टलगायतका कलाकारहरुको अभिनय छ । आलोक शुक्लाको डि.ओ.पि. रहेको फिल्मलाई सुयोग गुरुङ र मिलन श्रेष्ठले सम्पादन गरेका छन् । समिर सुनुवार र निर्देशक गुरुङको संयुक्त लेखन रहेको छ ।

https://youtu.be/lEFO-TaYlr0