यस्तो बन्यो गोवामा खिचिएको ‘गीत गजल’ रोमान्टिक नम्बर (भिडियो)

फिल्म ‘गीत गजल’मा समावेश रोमान्टिक नम्बर रिलिज भएको छ । ‘कि छैन तिमीलाई थाहा’ बोलको गीत भारतको गोवा र नेपालमा खिचिएको छ ।

सार्वजनिक गीतमा लिड कलाकार रुप पोखरेल र आरोही सिंह फिचर्ड छन् । संगीतकार अर्जुन पोखरेलको शब्द तथा संगीत रहेको गीतमा अन्जु पन्त र सुरेश लामाको स्वर छ ।

आगामी असोज २४ गतेबाट प्रदर्शनको तयारीमा रहेको फिल्मको गीतको भिडियोमा निर्देशक नितिन चन्दको कोरियोग्राफी हेर्न सकिन्छ । सार्वजनिक गीतलाई सुरेश काफ्लेले छायाँकन गरेका हुन् ।

आरोहण प्रोडक्सनको ब्यानरमा निर्माण भएको फिल्ममा रश्मी भट्ट, विशाल पहाडी, ओम प्रतीक, आज्ञा करनजीत, सान्तवना भट्टराई, भिमा मैनाली बालकलाकार योगीशा खत्री, सुजल खानलगायतका कलाकारको पनि अभिनय रहेको छ । आरोहण क्षेत्री निर्माता रहेको सिनेमाका सह निर्माता सुजन आचार्य हुन् ।

‘गीत गजल’मा अस्मित पोखरेलको कथा, पटकथा तथा संवाद, बाबु श्रेष्ठ र सुरेश काफ्लेको छायांकन, अर्जुन पोखरेलको संगीत, निर्देशक नितिन चन्दको कोरियोग्राफी र अर्जुन जिसीको सम्पादन रहेको छ ।

https://youtu.be/X9Ci7iY0ZSA