पर्दामा आयुष्मान र शिल्पाको ‘सानो मन’
फ्राइडे रिलिज अन्तर्गत यो हप्ताको लागी नेपाली फिल्म ‘सानो मन’ प्रदर्शनमा आएको छ । आयुष्मान देशराज जोशी शिल्पा मास्के स्टारर फिल्म मल्टिप्लेक्स र सिंगल स्कृनमा एकसाथ रिलिज भएको हो ।
बिहिबार सांझ सम्पन्न प्रिमियरमा सकारात्मक प्रतिक्रिया पाएको फिल्मलाई सुयोग गुरुङले निर्देशन गरेका छन् । फिल्ममा आयुषमान र शिल्पासँगै गौरी मल्ल, विशाल पहारी, रश्मि भट्ट, शिशिर बाङदेल, प्रकाश श्रेष्ठ लगायतले अभिनय गरेका छन् ।
‘सानो मन’लाई योगेश गुरुङ, राजिव श्रेष्ठ, राजेन्द्र मानन्धर र रमेश के मितलले संयुक्त रुपमा निर्माण गरेका हुन् । फिल्मले लभस्टोरी कथा बोल्छ ।
