कन्फर्मः ‘म यस्तो गीत गाउँछु २’ मा पल र पूजाको जोडी, मनकामनामा शुभ साइत
दुई बर्ष पहिले निर्माण भएको फिल्म ‘म यस्तो गीत गाउँछु’को सिक्वेल निर्माण पक्का भएको छ । घोषणा भएको लामो समयपछि फिल्मको मुहर्त गरिएको छ । गोरखाको मनकामना मन्दिरमा स्कृप्ट पूजा हुँदा कलाकारपनि सार्वजनिक भए ।
सुदर्शन थापाको निर्देशनमा बन्ने फिल्ममा ‘म यस्तो गीत गाउँछु २’ मा अघिल्लो संस्करणकै मुख्य कलाकार पूजा शर्मा र पल शाह रहनेछन् । पल र पूजा हेलिकप्टर चाटर्ड गरेर मनकामना पुगेका थिए । ‘म यस्तो गीत गाउँछु’मा पल र पूजाको जोडीलाई दर्शकले मन पराएका थिए, पुनः यो जोडी दोहोरिँदा निकटस्थ फ्यानहरुमा खुशी छाएको छ । यसअघि यो फिल्ममा पल नरहने नामका गसिप समेत बाहिर आएका थिए ।
यसैबीच भदौबाट फ्लोरमा जाने समय तय गर्दै निर्माण टिमले फिल्मको प्रदर्शन मिति पनि घोषणा गरेको छ । यो फिल्मलाई सुदर्शन थापा प्रोडक्सनले आगामी फागुन २३ गतेबाट प्रदर्शनमा ल्याउने बताएको छ ।
