ब्ल्कवस्टर ‘कबिर सिंह’, बक्सअफिसमा किर्तिमान नै किर्तिमान
शाहिद कपुर स्टारर फिल्म ‘कबिर सिंह’ले बलिउड बक्सअफिसमा किर्तिमानी बिजनेसलाई निरन्तरता दिएको छ । फिल्मले प्रदर्शनको १३ औं दिनमा आफुलाई २ सय करोड क्लबमा उभ्याउन सफल भएको छ ।
बुधबार ७ करोड ५३ लाखको बिजनेस हुँदा फिल्मले २ सय ६ करोड ४८ लाख बिजनेस गर्दै बर्ष २०१९ को ब्ल्कबस्टर फिल्मको सुचीमा आफुलाई उभ्याएको छ । ‘कबिर सिंह’ले पहिलो हप्ता १ सय ३४ करोड ४२ लाख कमाएको थियो, बाँकी अंक दोश्रो हप्तामा जोडिएको हो ।
यो फिल्मको निर्माण र प्रचार लागत जम्मा ५० करोड बताइएको छ । जुन आँकडा हेर्दा फिल्मले कमाउने नाफा तत्काल अनुमान समेत लगाउन सहज छैन । प्रदर्शनरत हलहरुमा फिल्मको बिजनेस निरन्तर सुखद छ ।
यो फिल्म २ सय करोड कमाउने (१ सय करोड पार गर्ने) शाहिदको पहिलो सोलो फिल्म हो । सन्दीप रेड्डी भाञ्गाले यो फिल्मलाई निर्देशन गरेका हुन् ।
