पशुपतिबाट फ्लोरमा ‘आमा’

दिपेन्द्र के खनालको कथा,पटकथा तथा निर्देशनमा निर्माण हुन लागेको फिल्म ‘आमा’ फ्लोरमा गएको छ । पशुपतिनाथ मन्दिरमा शुभसाइत गरेर फिल्मको छायाँकन समेत सुरु गरियो ।

नेपालको पहिलो फिल्म ‘आमा’ को नाम सापटी लिएर बन्न लागेको यो फिल्मलाई शर्मिला पाण्डेले निर्माण गर्न लागेकी हुन् । फिल्मलाई आगामी फागुनमा रिलिज लक्षय निर्माण टिमले लिएको छ ।

फिल्म डिएस डिजिटलको ब्यानरमा निर्माण हुन लागेको हो । यो फिल्ममा सूर्यमाला खनाल, देशभक्त खनाल, सुरक्षा पन्त, मनिष निरौला, सरिता गिरी लगायत लिड अभिनयमा रहनेछन् । फिल्मको छायाँकनको काम निर्देशक स्वयंमले गरेका छन् ।