‘प्रेम गीत ३’ मा प्रदिपको अपोजिटमा क्रिष्टिना फाइनल
‘प्रेमगीत ३’ फिल्मको लागी निर्माण टिमले अन्तिम अडिसनमा सहभागी २५ युवतीबाट क्रिष्टिना गुरुङ फाइनल गरेको छ । उनले अभिनेता प्रदिप खड्कासँग रोमान्स गर्नेछिन् । प्रेमको भुमिकामा प्रदिप रहँदा गीत बन्ने अबसर क्रिष्टिनाले पाइन् ।
काठमाडौंमा जन्मिएकी क्रिष्टिना हाल अमेरिका बस्दै आएकी छिन् । प्लस टु सम्मको अध्ययन नेपालमा नै सकेर अमेरिका गएकी उनी बाल्टिमोर युनिभर्सिटीमा आइटी बिषयमा स्नातक गर्दै छिन् । परिवार सहित अमेरिकामा बस्दै आएकी उनले केहि म्युजिक भिडियोमा समेत अभिनय गरेकी छन् ।
यो फिल्मको कास्टिङ लाइनअपमा प्रदीप खड्का, मनिष राउत, शिव श्रेष्ठ र क्रिष्टिना पक्का भएका छन् । फ्लोरमा जाने आधिकारिक मिति तय नहुँदा प्रदर्शन मिति भने यो बर्षको अन्तिम सातालाई घोषणा गरिसकिएको छ । छेतेन गुरुङ र सन्तोष सेनले फिल्मलाई निर्देशन गर्दैछन् ।
