‘जाइरा’ गीत रिलिज, अनुपले चुमे नम्रताको ओठ (भिडियो)

भदौ ६ बाट प्रदर्शनको तयारीमा रहेको फिल्म ‘जाईरा’को रोमान्टिक गीत रिलिज भएको छ । सार्वजनिक प्रेमिल गीतमा लिड अभिनेता अनुपबिक्रम शाही र अभिनेत्री नम्रता श्रेष्ठ फिचर्ड छन् । गीतको भिडियोमा नम्रता र अनुपको केमेष्ट्रि गज्जबको देखिएको छ ।

गीतको अन्तिम दृश्यमा अनुपले नम्रताको ओठ चुमेका छन् । अनुपको अङ्गालोमा नम्रता बोल्ड देखिएकी छिन् । गीतमा कोरियोग्राफी गोविन्द राईको छ । गोविन्दको कोरियोग्राफीमा गीत रिलिजको लागी आयोजित कार्यक्रममा अनुप र नम्रताले लाइभ नृत्य पनि गरे ।

सार्वजनिक ‘आँखैले बोल्छ’ बोलको गीतमा स्वर सन्तोष लामाको छ भने रवि मल्लको शब्दमा संगीत कल्या सिंहको छ । एरेञ्ज गोपाल रसाईलीले गरेका छन् ।

नम्रता श्रेष्ठ नै निर्माता रहेको फिल्मका कार्यकारी निर्माता प्रसन्न गोपाली छन् । अशुतोष राज श्रेष्ठको निर्देशनमा बनेको फिल्ममा नम्रता र अनुपसँगै प्रमोद अग्रहरी, सिर्जना रेग्मी, रेमनदास श्रेष्ठ, सुजता श्रेष्ठ, सम्राट मगर लिड अभिनयमा छन् ।

https://youtu.be/WkCH6tqjmZI