बक्स अफिसमा आक्रामक ‘कबिर सिंह’, सय करोड बढि कलेक्सन

शाहिद कपुर स्टारर फिल्म ‘कबिर सिंह’ले बलिउड बक्सअफिसमा आफुलाई अब्बल बनाइराखेको छ । फिल्मले प्रदर्शनको ५ दिनमा सय करोडको आँकडा पार गरेको छ ।

ओपनिङ डे २० करोड २१ लाख कलेक्सन गरेको फिल्मले दोश्रो दिन २२ करोड ७२ लाख र तेश्रो दिन २७ करोड ९१ लाखको कलेक्सन गरेको थियो । पाँचौ दिनमा १६ करोड ५३ लाख कमाउँदा फिल्मको मंगलबारसम्मको बिजनेस १ सय ४ करोड ९० लाख पुगेको छ ।

सन्दीप रेड्डीको निर्देशनमा बनेको फिल्मले समिक्षक तथा दर्शक सबैबाट तारिफ भेटेको छ । ‘वर्ड अफ माउथ’ उच्च हुँदा फिल्मको कलेक्सन थप उकालो लाग्ने देखिन्छ । नेपाली मल्टिप्लेक्समा पनि फिल्मको बिजनेस सानदार छ ।