‘साइनो’ गीत रिलिजः टिकटक च्यालेञ्ज घोषणा

वरिष्ठ अभिनेत्री भुवन चन्द थापाको निर्माणमा बनेको फिल्म ‘साइनो’को दोस्रो गीत रिलिज गरिएको छ । ‘कुन मायाको साइनो’ बोलको गीतमा अभिनेत्री नीता ढुङ्गाना, मीरुना मगर र अभिनेता राज कुमारबीचको त्रिकोणात्मक प्रेम देखाइएको छ ।

एलिश कार्कीको संगीत रहेको गीतमा प्रताप दास र जीना रसाइलीको स्वर छभने, रामजी लामिछानेले कोरियोग्राफी भरेका छन् । गीतमा राजेशकुमार श्रेष्ठको शब्द सृजना छ ।

साउन २४ लाई प्रदर्शन मिति तय गरेको फिल्ममा भुवन चन्द थापा, बसुन्धरा भुषाल, मदनदास श्रेष्ठ, राजा राजेन्द्र पोखरेल, रोयदीप श्रेष्ठ, श्याम राई, शिखा मल्ल, बिशाल पहाडी, भिमसेन लामा, धर्मेन्द्र आचार्य, रामेश्वर बुर्लाकोटी, बसुकला मैनालीलगायतका कलाकारको अभिनय छ ।

अभिमन्यु निरवीले फिल्मको कथा लेखेका हुन्, कार्यकारी निर्माता शरण थापा छन् । चन्द्रविनायक फिल्म प्रोडक्सनको ब्यानर निर्माण भएको फिल्ममा रामेश्वर कार्कीको छायाँकन, रामजी लामिछानेको कोरियोग्राफी र बनिश शाहको सम्पादन छ । रमेश थापा निर्देशक हुन् ।

यसैबीच निर्माण टिमले सार्वजनिक गीतको लागि ‘टिक-टक च्यालेन्ज’ आह्वान गरेको छ । गीतको कुनै पनि अंशमा इच्छुकले टिक-टकबाट भिडियो बनाउन सक्नेछन् । यसरी बनाइएको टिक-टक भिडियोलाई सिनेमा ‘साइनो’को अफिसियल फेसबुक पेजमा सेन्ड गरेर च्यालेन्जमा सहभागिता जनाउन सकिनेछ ।

च्यालेन्जमा उत्कृष्ट हुने भिडियोलाई निर्माण टिमले पुरस्कार पनि तय गरेको छ । जस अनुरुप प्रथम हुने भिडियोलाई ५० हजार, दोस्रोलाई ३० हजार र तेस्रोलाई २० हजारको दरले पुरस्कार छुट्टयाइएको छ ।

त्यस्तै पाँच जनालाई गिफ्ट ह्याम्पर र दुई जना भाग्यशालीलाई आस्था कला केन्द्रमा १ वर्षको लागि निशुल्क प्रशिक्षणको व्यवस्ता गरिनेछ । विजेताहरु घोषणा फिल्म रिलिज अगावै गरिने बताइएको छ।

https://youtu.be/AIx2yHF5SE8