२ सय करोड क्लबमा सलमानको ‘भारत’
सलमान खान स्टारर फिल्म ‘भारत’ले मरिमेटेर दुई हप्ता बितिसक्दा २ सय करोड कमाइ गरेको छ । ओपनिङ बिजनेस सानदार गरेको फिल्मको ‘वर्ड अफ माउथ’ सुखद नहुँदा बक्सअफिस कमाइ लगातार कमजोर बन्यो ।
दुई हप्ता र केहि दिन बित्दैगर्दा फिल्मले बल्ल २ सय करोड कमाइ गरेको हो । फिल्मले ओपनिङ डे ‘इद’को बिदा पर्दा ४२ करोड बढि कलेक्सन गरेको थियो । पहिलो विकेण्डमै १ सय ५० करोड कमाइ गरेको फिल्मको बिजनेस हप्ता बित्दा भने जम्मा १८० करोडमा सिमित रह्यो ।
फिल्ममा सलमान खान, कट्रिना कैफ सुनिल ग्रोबर लिड अभिनयमा छन् । अलि अब्बास जफारले फिल्म निर्देशन गरेका हुन् । फिल्मको लाइफटाएम कलेक्सन सवा दुई सय करोड पुग्न पनि मुश्किल छ ।
