फ्राइडे रिलिजः पर्दामा प्रियंका र आयुष्मानको रिल प्रेम

फ्राइडे रिलिज अन्तर्गत यो हप्ता नेपाली पर्दामा एक नेपाली फिल्म तथा दुई हलिउड फिल्म रिलिज भएका छन् । रिल जोडी प्रियंका कार्की र आयुष्मान देशराजको प्रेमकथा बोल्ने ‘प्रेम दिवस’ सँगै ‘म्यान इन ब्ल्याक’ र ‘पेट्स २’ रिलिज भए ।

मल्टिप्लेक्समा ‘म्यान इन ब्ल्याक’को थ्रीडी भर्सन हाबी छ । सिंगल स्कृनहरुमा भने ‘प्रेव दिवस’ प्रदर्शन हुनेछ । योगेश घिमिरे निर्देशित यो फिल्म कुनै ठुलो प्रचार र चर्चाबीना हल रिलिज भएको हो ।

उता पछिल्लो रिलिज ‘जात्रै जात्रा’ले सफल प्रदर्शनको पाँचौं हप्तामा प्रवेश गरेको छ । प्रदिप भट्टराई निर्देशित फिल्मले लोकप्रियता बढाउँदै र दर्शक साथ पाउँदै जाँदा मल्टिप्लेक्स र सिंग दुबै स्कृनमा आफ्नो उपस्थितीलाई डगमगाउन दिएको छैन ।