‘मारुनी’ गीत रिलिज, पुष्पसँग साम्राज्ञीको बोल्ड ठूम्का (भिडियो)

भदौ १३ बाट प्रदर्शनमा आउने फिल्म ‘मारुनी’ले दोस्रो प्रचार सामाग्री स्वरुप फिल्ममा समावेश पहिलो गीत रिलिज गरेको छ । अघिल्लो साता पोस्टर रिलिज गरेको निर्माण टिमले मंगलबार गीत रिलिज गर्यो ।

राजधानीमा आयोजित एक कार्यक्रमका बीच सार्वजनिक ‘ जाम्न माया जाम’ बोलको गीतमा लिड कलाकार पुष्प खड्का र साम्राज्ञी राज्यलक्ष्मी शाह फिचर छन् । ‘क्लब सङ्ग’मा साम्राज्ञीलाई बोल्ड देख्न सकिन्छ । कोरियोग्राफी प्रविण सिंहले गरेका छन् ।

गीतमा स्वर दीपक बज्राचार्यको छ । ‘मन मगन’पछि लगातार हिट गीत दिँदै आएका दीपकको यो गीतलाई पनि दर्शक श्रोताले माया दिने अपेक्षा ‘मारुनी’ टिमले लिएको छ । गीतमा संगीत पनि दीपकको नै छ । शब्द रिक्की शाक्यले लेखेका छन् ।

नवल नेपालको निर्देशनमा बनेको यो फिल्म पुनम इन्टरटेन्मेन्टको ब्यानरमा तयार भएको हो । फिल्ममा साम्राज्ञी र पुष्पसँगै रेविका गुरुङ लिड अभिनयमा छिन् । त्रिकोणात्मक प्रेमकथा फिल्मले बोल्छ ।

https://youtu.be/tg7pfEtjdrU