नीताको ‘सोच’, भदौ २० मा बाँधिदै प्रज्वलसँग जोडी !
नीता ढुङ्गाना र प्रज्वल गिरी लिड भुमिकामा रहेको फिल्म ‘सोच’ले प्रदर्शन मिति तय गरेको छ । फिल्मको पोस्टर रिलिज गर्दै आगामी भदौ २० लाई प्रदर्शन मिति तोकिएको हो ।
सार्वजनिक पोस्टरले फिल्मलाई एक्सन लभस्टोरी जनराको देखाउँछ । प्रज्वल रिसाहा देखिएका छन् भने नीता प्रेमिल देखिन्छिन् । फिल्म पुजन सिंहको कथा र निर्देशनमा बनेको हो । सोच फिल्मस् प्रोडक्शन एण्ड डिस्ट्रिब्युटर्सको ब्यानरमा निर्माण भएको फिल्मको पोष्टरमा कलाकार पुजन सिंह पनि फिचर्ड छन् ।
गंगा रजक प्रकाश र एस.डीको लगानी रहेको फिल्ममा विशाल पहाडी, सोनीका, किरण थापा, रितेश श्रेष्ठ, उत्तम केसीलगायतका कलाकारको मुख्य भूमिका छ । फिल्मको पटकथा र संवाद कृष्ण आचार्यले लेखेका हुन् भने प्रितम पाण्डे सम्पादक र एनबी महर्जनको द्वन्द्व रहँदा रामजी लामिछाने कोरियोग्राफरमा छन् । छायाँकन विदुर पाण्डेले गरेका छन् ।
