पुष्पको अङ्गालोमा बोल्ड साम्राज्ञी, ‘मारुनी’ पोस्टर रिलिज

पूनम इन्टरटेन्मेन्टको ब्यानरमा पूनम गौतमले निर्माण गरेको फिल्म ‘मारुनी’को फर्स्टलुक पोस्टर रिलिज गरिएको छ । नवल नेपाल निर्देशित फिल्मको सार्वजनिक दुई पोस्टरमा लिड कलाकार पुष्प खड्का र साम्राज्ञी राज्यलक्ष्मी शाह फिचर्ड छन् । साम्राज्ञी बोल्ड देखिन्छिन् ।

आगामी भदौ १३ गतेबाट प्रदर्शनमा आउने यो फिल्मको सार्वजनिक पोस्टर टौवा क्रियशनले तयार पारेको हो भने फोटोग्राफर कुबेर डंगोल हुन् । पोष्टरमा साम्राज्ञी र पुष्पको प्रेम देख्न सकिन्छ ।

फिल्मको विषयवस्तुको बारेमा निर्माणपक्षले केही पनि बोलेको छैन । फिल्मलाई संजय लामाले खिचेका हुन् । यो फिल्ममा मुख्य भुमिका डेब्यू गर्ल रेविका गुरुङको पनि रहनेछ । अन्य कलाकारमा कुशाग्र भट्टराई, स्वर्णिम पौडेल, सेफिअन्स लम्साल र साइरा आचार्य छन् ।