५१ दिने बाटोमा ए मेरो हजुर ३: झण्डै १० करोड कलेक्सन

अनमोल केसी र सुहाना थापा स्टारर फिल्म ‘ए मेरो हजुर ३’ ले सफल प्रदर्शनको ५१ औं दिन नजिक पुगेको छ । गत चैत्र २९ मा प्रदर्शनमा आएको फिल्म हालसम्म पनि आधा दर्जन बराबर हलहरुमा प्रदर्शनको क्रममा छ ।

नेपालसँगै विदेशका विभिन्न शहरहरुमा आफ्नो उपस्थिती फिल्मले बढाउँदै गर्दा निर्देशक झरना थापा अभिनेत्री सुहानाको साथमा युरोप भ्रमणमा छिन् । झरना पुत्री सुहानाको लागी यो डेब्यू फिल्म हो भने सफल सिरिज ‘ए मेरो हजुर’को तेश्रो सिक्वेल हो ।

निर्माण टिम र वितरण कम्पनिबाट प्राप्त जानकारी अनुसार फिल्मले हालसम्म ९ करोड ६३ लाख ग्रस कलेक्सन गरेको छ । यो हिसाबले फिल्मको लाइफटाएम कलेक्सन झण्डै १० करोड ग्रस नजिक हुनेछ । दुई बर्ष पहिले ‘ए मेरो हजुर २’ प्रदर्शनमा आउँदा साढे ६ करोड आसपास विजनेस गरेको थियो ।

सुनिलकुमार थापाको प्रस्तुतीमा सुहाना इन्टरटेन्मेन्टले निर्माण गरेको फिल्ममा अनमोल र सुहानासँगै रविन्द्र झा, सलोन बस्नेत, रक्षा गौतम, रुपा घिसिङ, रेअर राई लिड अभिनयमा छन् । गोविन्द शाही फिल्मका वितरक हुन् ।

यसैबीच निर्माण टिमले हालै फिल्ममा समावेश ‘राधा कृष्ण’ बोलको गीत रिलिज गरेको छ । गीतमा सुहाना सोलो फिचर्ड छिन् । प्रतिक पौडेलको शब्द संगीत समावेश गीतमा स्वर प्रविशा अधिकारी र सुरज लामाको छ ।

https://youtu.be/H8jyOVFTQn8