ट्रेलरमा हेर्नुहोस् दयाहाङको ‘आप्पा’ (भिडियो)

असार १३ बाट प्रदर्शनमा आउने फिल्म ‘आप्पा’को ट्रेलर रिलिज भएको छ । ‘आप्पा’ उर्फ दयाहाङ राई बुबाको भुमिकामा प्रस्तुत भएको फिल्मको बिहिबार राजधानीमा एक कार्यक्रम गर्दै निर्माण टिमले ट्रेलर रिलिज गर्यो ।

अनमोल गुरुङ निर्देशित फिल्मको ट्रेलरमा बाबु छोराको प्रेम जोडिएको छ । दयाहाङ पछिल्ला रिलिज फिल्ममा भन्दा केहि फरक परिवेश र भेषभुषामा प्रस्तुत छन् । दयाहाङसँगै तुलसी घिमिरे, सिधान्त राज तामाङ, अलोना कबो लेप्चा, अरुणा कार्की फिल्ममा लिड अभिनयमा छन् ।

रुदेन सदा लेप्चाको निर्माणमा बनेको फिल्मको यसअघि नै गीतहरु रिलिज भइसकेका छन् । यो फिल्मलाई शैलेन्द्र डी. कार्कीले खिचेका हुन् भने सम्पादन निमेश श्रेष्ठको छ । फिल्मको कथा निर्देशक अनमोलको नै हो ।