‘छ माया छपक्कै’मा केकीपछि सुपुष्पाको इन्ट्रि
गत बर्ष आधा दर्जन बढि नव अभिनेत्रीहरुले नेपाली रजतपटमा पाइला राखे । केहि आउँदा आउँदै बाटोमै हराए त केहिले राम्रै संभावना देखाए, चर्चा पाए । पछिल्लो पङ्गतीको कुरा गर्दा कामको तारिफ भेटेको र संभावनावानको उपमा पाएकी अभिनेत्री थिइन् फिल्म ‘रणवीर’ डेब्यू गर्ल सुपुष्पा भट्ट ।
उनै सुपुष्माले आमा सरस्वती मुभिज र रोहित अधिकारी फिल्मस् को ब्यानरमा निर्माणको क्रममा रहेको फिल्म ‘छ माया छपक्कै’मा काम गर्ने अबसर पाएकी छिन् । महिना दिन पहिले अनुबन्ध भइसकेपनि निर्माण टिमले हालै उनलाई सार्वजनिक गरेको छ ।
फिल्ममा उनको भुमिका भने छोटो तर दर्शकलाई हलबाट निस्किँदा यादकर बनाउने रहेको निर्माण टिमको भनाइ छ । यतिबेला मध्य पुर्बी नेपालको सिन्धुलीमा छायाँकनको क्रममा यो फिल्म छ । जान्नमा आए अनुसार जितु नेपालको अपोजिटमा सुपुष्मा रहनेछिन् ।
दिपेन्द्र लामाले फिल्मको ‘एक्सन कट’ गरिरहेका छन् भने लिड अभिनयमा दीपकराज गिरी, केकी अधिकारी, केदार घिमिरे, जितु नेपाल लगायत छन् । दशैँमा रिलिज तार्गेट गरेर फ्लोरमा गएको फिल्मका सोलो निर्माता रोहित अधिकारी हुन् ।
