बले र कक्रोजको ‘क्यालकुलेटर’ भित्र बोल्ड शिक्षा ! (भिडियो)

पछिल्लो पुस्तामाझ हाँस्य विधाका चर्चाका नाम हुन् बले उर्फ सागर लम्साल । उनै सागरसँग खुब मिल्ने जोडीको रुपमा अर्का कलाकार हरिश निरौला ‘कक्रोज’लाई लाई लिइन्छ । यी दुबै जना हाँस्य टेलिसिरियल ‘भद्रगोल’मा हरेक हप्ता देखिँदै आएका छन् ।

अभिनयसँगै मोडलिङमा पनि निरन्तर सकृय बले सहितको भद्रगोल टिम फिचर गीति भिडियो ‘क्यालकुलेटर’ हालै सार्वजनिक भएको छ । उक्त गीतमा बले र कक्रोजसँगै भद्रगोलका कलाकार कमलमणी नेपाल र मधुसुदन पाठक फिचर छन् । मोडल शिक्षा संग्रौला बोल्ड अबतारमा प्रस्तुत छिन् ।

शंकर थापा (स्माइल) र विजय अधिकारीको स्वर रहेको गीतमा डिपी खरेलको शब्द र बिष्णु अधिकारीको संगीत समावेश छ । भिडियोलाई नवराज उप्रेतीले छायाँकन गरेका छन् भने नविन निरौलाले सम्पादन गर्दा कोरियोग्राफी तथा भिडियो निर्देशन गम्भीर बिष्टले गरेका छन् ।