‘कप्स’ पोस्टरमा अनुप रिसाहा पुलिस अफिसर !
भिलेन टर्न हिरो अनुपबिक्रम शाही स्टारर फिल्म ‘कप्स’को दुई पोस्टर रिलिज भएका छन् । जेठ १७ बाट प्रदर्सनमा आउने यो फिल्ममा अनुप प्रहरी अफिसरको भुमिकामा छन् । पोस्टरमा अनुपको रिसाहा प्रहरी अबतार देखाइएको छ ।
सम्राट सापकोटा निर्देशित फिल्मको यसअघि सार्वजनिक ट्रेलरले एक्सन प्रधान फिल्मको छनक दिइसकेको छ । फिल्ममा अनुपसँगै सन्दीपा लिम्बु, अनुपा भट्टराई, अमित गिरी,सुन्दर श्रेष्ठ, रोशन सुवेदी, अनुपमा भण्डारी लगायत लिड अभिनयमा छन् ।
‘आर्या मुभिज’ र ‘सारा श्री मुभिज’को संयुक्त व्यानरमा यो फिल्म निर्माण भएको हो । राम शाक्यले निर्माण गरेको ‘कप्स’मा छायाँकन सुशन प्रजापतिको छ भने सम्पादन विपिन मल्लले गरेका छन् ।
