दशैंमै ‘रातो टिका निधारमा’ पक्का, साम्राज्ञीसँग अंकितले जोडी बाँध्ने
गत बर्षको दशैंमा प्रदर्शित फिल्म ‘जय भोले’ को टिमले निर्माण गर्न लागेको ’रातो टिका निधारमा’ को आधिकारिक घोषणा भएको छ । फिल्मलाई अशोक शर्माले निर्देशक गर्ने छन् भने उनका छोरो अंकित शर्माले यसै फिल्मबाट अभिनयमा डेब्यु गर्नेछन् ।
अगामी दशैंलाई रिलिज मिति तोकिएको छ । फिल्ममा अंकितसँग साम्राज्ञी लक्ष्मी शाहले अनस्कृन रोमान्स गर्दैछिन् । आफूले खोजेको क्यारेक्टर पाएको र स्क्रिप्ट एकदमै मन परेको कारण फिल्ममा काम गर्न राजी भएको साम्राज्ञीले बताइन् ।
यसैगरी यो फिल्ममा निता ढुङ्गाना, रविन्द्र झा, बुद्धि तामाङ, खुश्बु खड्का, बसुन्धरा भुषाल, लक्ष्मी गिरी, अरुणा कार्की, राजाराम पौडेल, शिवहरि पौडेल, जयनन्द लामा लगायतका कलाकारहरुको अभिनय रहनेछ । कार्यक्रममको सुरुवात रातो टिका लगाएर सुरु गरिएको थियो । ए .ए ग्रुप अफ कम्पनीजबाट निर्माण हुने चलचित्रमा किरण शर्मा र कृति शर्मा निर्माताको रुपमा रहनेछन ।
फिल्म ‘रातो टिका निधारमा’मा शम्भुजित बाँस्कोटा र कल्याण सिंहको संगीत रहनेछ भने वसन्त श्रेष्ठले कोरियोग्राफी गर्नेछन् । पुरुषोत्तम प्रधानको छायाँकन, मित्र डि. गुरुङको सम्पादन, राजेश शाहको भिएफएक्स रहनेछ ।
