‘सरौतो’ पोस्टर रिलिज, प्रदर्शन मिति घोषणा
रिभेन्जको कथामा निर्माण भएको एक्सन जनराको फिल्म ‘सरौतो’ले प्रदर्शन मिति तय गरेको छ । पोस्टर रिलिज गर्दै निर्माण टिमले आगामी असोज ३ लाई अफिसियल रिलिज तय गरेको हो ।
फिल्मलाई हरी हुमागाईले निर्देशन गरेका छन् । सिनेम्याटोग्राफरको रुपमा चिनिएका हरीसँग ‘एड र भिडियो निर्देशन’को अनुभव छ । विरान्जना इन्टरटेनमेन्ट , स्क्वायर वान क्रिएसन , राइजिङ्ग फिल्म्स एण्ड ग्लिटर फिल्म्स स्टुडियोको ब्यानरमा निर्माण भएको फिल्ममा कार्यकारी निर्माताको रुपमा सिर्जना जोशी र लक्ष्मी कुमारी तामाङ रहेका छन् ।
फिल्म ‘सरौतो’मा सुमी मोक्तान , सन्नी सिंह , विजय लामा , युवराज लामा , धिरेन शाक्य , आमिर गौतम , अरुणा कार्की , पराकर्म पीजेबी राणा , सम्पदा दाहाल , सुवाङ्गम शाह , लियो ट्यांक , मैषा पुन मगर , प्रतिक दुलाल , मनोज तामांग लगायतको अभिनय रहेको छ । फिल्ममा राघव कृष्ण गौतमको लेखन , उत्तम हुमागाईको छायांकन , शंकर महर्जनको एक्सन समावेश छ ।
