‘कबड्डी’ सिक्वेलमा ‘क्याप्टेन गर्ल उपासनाको इन्ट्री, दया र कर्मा लिडिङ हिरो
हिट सिरिज ‘कबड्डी’को तेश्रो सिक्वेल ‘कबड्डी कबड्डी कबड्डी’को ओपचारिक निर्माण घोषणा भएको छ । राजधानीमा आयोजित एक कार्यक्रमका बीच सोमबार फिल्मका कास्ट एण्ड क्रू सार्वजनिक गरियो ।
रामबाबु गुरुङको लेखन निर्देशन रहने फिल्ममा लिड अभिनयमा दयाहाङ राई, रिष्मा गुरुङ., कर्मा शाक्य, माओत्से गुरुङ रहनेछन् । भने ‘कबड्डी’ सिरिजमा केहि महिना पहिले रिलिज फिल्म ‘क्याप्टेन’ लिड गर्ल फिल्म उपाशना सिंह ठकुरीले इन्ट्रि मारेकी छिन् । अन्य कलाकारमा बुद्धि तामाङ, विजय बराल, कमलमणी नेपाल, लुनिभा तुलाधर, पुष्कर गुरुङ, विल्सनबिक्रम राई लगायत छन् ।
जेठ ५ गतेबाट फ्लोरमा जाने फिल्मका दृश्यहरु मुस्ताङ, पोखरा र घान्द्रुकमा खिचिने कार्यक्रममा जानकारी गराईयो । शैलेन्द्र डी कार्कीले छायाँकन गर्ने फिल्मको निर्मातामा मणिराज पोखरेल, ओमचन्द्र रौनियार र अर्जुन कार्की छन् । निमेश श्रेष्ठ सम्पादनमा छन् ।
