‘लभ डायरीज’ पोस्टर रिलिज, प्रदर्शन मिति घोषणा

सुशिल श्रेष्ठ स्टारर फिल्म ‘लभ डायरीज’को प्रदर्शन मिति तय भएको छ । निर्माण टिमले असार ३ लाई प्रदर्शन मिति तय गर्दै फर्स्टलुक पोस्टर रिलिज गर्यो ।

सार्वजनिक दुई पोस्टरमा डेब्यू गर्ल रुविना थापासँग सुशिल रोमान्टिम अबतारमा प्रस्तुत छन् । पोस्टरमा दुई पात्रको प्रेमिल भाव झल्काइएको छ । फिल्मलाई सौरभ चौधरीले निर्देशन गरेका छन् ।

लामो समयदेखि फिल्म सम्पादनमा लागिरहेका शाहिल खान यो फिल्मका एशोसियट निर्देशकको रुपमा छन् । विनोद सापकोटा निर्मातामा रहँदा छायाँकन संजय लामाको छ भने अर्जुन पोखरेलको संगीत छ । सुशिल र रुविनासँगै विश्वजित रिमाल, बिष्णु सापकोटा, अर्जुनजंग शाही, विशाल पहारीको पनि मुख्य भूमिका छ ।