‘आप्पा’को अमलामा दयाहाङको बाल अबतार (भिडियो)

दयाहाङ राई स्टारर फिल्म ‘आप्पा’को ‘अमला’ बोलको गीत सार्वजनिक गरिएको छ । गीत रिलिजसँगै यो फिल्मको नयाँ रिलिज मिति पनि सार्वजनिक गरिएको छ । यसअघि जेष्ठ २४ गते रिलिज हुने भनिएको फिल्म केहि प्राविधिक कारणले गर्दा असार १३ गतेबाट देशभरका सिनेमा घरमा रिलिज हुने निर्माण टिमले बताएको छ ।

सार्वजनिक गीतमा हर्क साउदको शब्द छ भने एसडी योगी र सुशान्त गौतमको संगीत तथा मेलिना राई र एसडी योगीको स्वर रहेको छ । गितको भिडियोलाई बुद्ध लामा, किरण थापा सुरैन राईले कोरियोग्राफी गरेका हुन् । रवी न्यौपानेले छायाँकांन गरेको गीतलाई निमेष श्रेष्ठले सम्पादन गरेका हुन् । भिडियोमा दयाहाङलाई बाल अबतारमा देखाइएको छ ।

फिल्ममा दयाहाङ राई, सिद्धान्त राज तामाङ, अल्लोन काबो लेप्चा, तुलसी घिमिरे, अरुणा कार्की लगायतका कलाकारको मुख्य भुमिका रहेको छ । फिल्ममा निर्देशक रहेका अनमोल गुरुङको नै कथा रहँदा पटकथा र संवाद लेखनमा अनमोललाई उमेश उपमाले साथ दिएका छन् । शैलेन्द्र डि कार्कीको छायाँकन छ ।