होस्टेलको तेश्रो सिक्वेल घोषणा, निर्देशनमा रावलको डेब्यू

युवा स्टार अनमोल केसीलाई लिडिङ हिरोमा डेब्यू दिएको हिट फिल्म ‘होस्टेल’को तेश्रो सिक्वेल बन्ने भएको छ । हालै निर्माण घोषणा गरिएको फिल्मको नाम ‘होस्टेल ब्याक अगेन’ राखिएको छ ।

निर्माता सुनिल रावलले यो फिल्मबाट निर्देशनमा डेब्यू गर्नेछन् । रावल पछिल्लो समय अमेरिकामा बस्दै आएका छन् । रावलको दुर्गिस फिल्म र काफिया फिल्मस् को ब्यानरमा बन्ने फिल्मको छायाँकन अमेरिकामा गरिने बताइएको छ ।

हरेक देशबाट अमेरिका अध्ययनका लागि गएका र होस्टेलमा बसेका यूवायूवतीहरुको कथालाई फिल्मले प्रस्तुत गर्नेछ । रायन राइजको पटकथा तथा संवाद रहेको फिल्ममा सुनिलकै कथा हुनेछ । अगष्ट महिनाबाट फिल्मको छायाँकन सुरु हुने बताइएको छ । कलाकार को रहने खुलाइएको छैन ।