वलिउडको ‘कड्के कमाल के’ मा प्रेम साट्दै नीता र आर्यन (भिडियो)

नेपाली कलाकारलाई लिड रोलमा लिएर निर्माण गरिएको वलिउड फिल्म ‘कड्के कमाल के’को नयाँ गीत रिलिज भएको छ । सार्वजनिक गीतमा अभिनेता आर्यन अधिकारी र अभिनेत्री नीता ढुङ्गाना फिचर छन् । मुस्ताङका सुन्दर लोकेशनमा गीत छायाँकन गरिएको छ ।

‘तुझे क्युन न करुन’ बोलको गीतमा नीता र आर्यनको केमेष्ट्रि गज्जब जमेको छ । हिन्दी लिप्सिङमै तयार गीतले नीता आर्यनको प्रेम दर्शाएको छ । केहि दृश्यमा नीता बोल्ड देखिन्छिन् । नेपाली र बलिउड कलाकारको मिश्रण रहेको फिल्मलाई लक्ष्मण सिंहले निर्देशन गरेका छन् ।

प्रदर्शन मिति तय नभइसकेको फिल्मको सार्वजनिक गीतमा स्वर तास एम, सोहिनी मिश्र र याशिका सिक्काको स्वर छ भने संगीतमा तास एमलाई योङ जेले साथ दिएका छन् । कोरियोग्राफी कविराज गहतराजको छ । फिल्मलाई अरोन अशोककुमारले खिचेका हुन् भने निर्माण अतिवारी सिंहको छ ।