‘कुम्भकरण’ पोस्टर रिलिजसँगै प्रदर्शन मिति घोषणा
दुई बर्ष पहिले निर्माण भइ विभिन्न कारणबस प्रदर्शन हुन नसकेको फिल्म ‘कुम्भ करण’ले प्रदर्शन मिति तय गरेको छ । फिल्म जेठ १७ मा प्रदर्शनमा आउने भएको छ ।
निर्माण टिमले पोस्टर रिलिज गर्दै प्रदर्शन मिति तय गर्यो । सार्वजनिक दुई पोस्टरमा मुख्य चार कलाकारलाई क्यारेक्टरमा प्रस्तुत गरिएको छ । दीपक वलीले यो फिल्मलाई निर्देशन गरेका हुन् ।
‘कुम्भ करण’मा नीशा अधिकारी, गौरव पहारी, भोला सापकोटा, अभय बराल लिड रोलमा छन् । फिल्मको ट्रेलर यसअघि नै रिलिज भइसकेको छ । क्षितिज बस्नेत र चित्रबहादुर घर्तीमगरले फिल्मलाई निर्माण गरेका हुन् ।
